QazInnovations ұйымдастырған стратегиялық сессия 2023 жылғы 10 қарашада Қазақстан Республикасы Парламенті Мәжілісінің Экология және табиғатты пайдалану мәселелері жөніндегі комитетінің төрағасы – Жанбыршин Еділ Терекбайұлының, "QazInnovations "инновацияларды дамыту ұлттық агенттігі" АҚ Басқарма Төрағасы - Аханов Санат Жолдыханұлының қатысуымен өтті. Сонымен қатар, GreenTech саласындағы инновацияларға ықпал ететін заңнамалық шараларды әзірлеудің негізгі аспектілерін талқылау үшін сарапшыларды, сала өкілдерін және әртүрлі саладағы ғалымдарды, мемлекеттік органдардың өкілдерін жинады. Іс-шара секторды дамытудың және тиімді заңнамалық шараларды әзірлеудің ең жақсы жолдарын анықтауға көмектесетін диалог пен идеялармен алмасу платформасын құруға арналған.
Қазақстан Республикасы Парламенті Мәжілісінің Экология және табиғатты пайдалану мәселелері жөніндегі комитетінің төрағасы Еділ Терекбайұлы Жаңбыршин атап өткендей – «Жасыл технологияларды дамыту – бұл салааралық және көпжақты бағыт, сондықтан бүгін бірнеше министрліктердің – Индустрия және инфрақұрылымдық даму министрлігінің, цифрлық даму және инновациялар министрлігінің, Экология және табиғи ресурстар министрлігінің, Экологиялық ұйымдардың барлық бірлестіктері, сондай-ақ бизнестің өкілдері жиналғаны қуантады. Инновациялар мен "жасыл" технологияларды дамыту – бұл жаһандық тренд, яғни орасан зор нарықтар екенін тағы да атап өткім келеді».
Сессия барысында қатысушылар көптеген маңызды аспектілерді талқылады, бірақ олармен шектелмейді:
- GreenTech-тің ағымдағы жағдайын бағалау және заң шығарушылардың назары мен қолдауын қажет ететін салаларды анықтау.
- Қолданыстағы заңнамалық актілер мен реттеуді талдау, сондай-ақ оларды жетілдіру бойынша ұсыныстар.
- GreenTech секторын қаржыландыру және инвестициялау мәселелерін қарастыру.
- Жасыл технологияларды заңнамалық ынталандырудың халықаралық тәжірибесін қарастыру. Сессияның нәтижесі заңнамалық базаны жетілдіру және GreenTech саласындағы инновацияларды ынталандыру мақсатында мүдделі тараптар мен заң шығарушыларға берілетін бірқатар ұсыныстар әзірленді.
QazInnovations осы маңызды стратегиялық сессияға қатысқан барлық қатысушылар мен сарапшыларға терең алғысын білдіреді. Бірлескен күш-жігер GreenTech-тің тұрақты дамуына ықпал етіп, экология мен қоғамға пайда әкеледі деп сенеміз.
