АО "Национальное агентство по развитию инноваций "QazInnovations"

"Kazakhstan Machinery Fair" машина жасау және металл өңдеу бойынша халықаралық көрмесі

«QazInnovations» ИДЖҰАI» АҚ өкілдері Конгресс орталығында және EXPO халықаралық көрме орталығында өткен «Kazakhstan Machinery Fair 2022» халықаралық машина жасау және металл өңдеу мамандандырылған көрмесін тамашалады.

Kazakhstan Machinery Fair – Қазақстандағы жетекші салалық көрме және машина жасау мамандарының, мемлекеттік сектор өкілдерінің және әртүрлі бизнес қауымдастықтарының басты кездесу орны.

Сарапшылар отандық өндірістік компаниялармен және QazInnovations-тың өтеусіз грантына әлеуетті өтінім берушілермен кездесулер өткізді, инновацияларды мемлекеттік қолдау шараларымен таныстырды, атап айтқанда, өткізіліп жатқан конкурстар мен инновациялық гранттарды беру шарттары бойынша түсіндірме шаралары өткізілді.

Сондай-ақ сарапшылар машина жасау және металл өңдеудің техникасы, жабдықтары және технологияларының жаңалықтарымен танысты.
Нетворкинг және байланыс алмасу нәтижесі бойынша бірқатар ұйымдармен тығыз ынтымақтастықты жалғастыру туралы келісімдерге қол жеткізілді.